Posts

Showing posts from July, 2020

മൂന്ന് സംഭാഷണങ്ങൾ

Image
കവിത മൂന്ന് സംഭാഷണങ്ങൾ 1 ഗുരോ ഉത്തരധ്രുവത്തിൽ നിന്ന് ദക്ഷിണ ധ്രുവത്തിലേക്ക് സഞ്ചരിക്കണം.. കുരു പൊട്ടിയ ഗുരു ശിഷ്യനെ ശപിച്ചു.. "നട്ടുച്ച നീചാ നീ കൂപ നീചാ.. ണ്ട..ള്ള.. ത്ത.. പ്പ..ക്ക.. ങ്ങ.. ഇരട്ടിപ്പിൽ അവസാനിച്ച ശാപച്ചുഴലിയിൽ അടിതെറ്റയ ശിഷ്യനെ ഗുരു പരിഹസിച്ചു. "ചഞ്ചരിക്കണമത്രേ ചഞ്ചാരം.." പോയി തോട്ടം വൃത്തിക്കും വെടിപ്പിനും വെട്ടിയൊതുക്കൂ.. കായികാധ്വാനത്തിലൂ‌ടെ നോം നിന്നെ ധ്രുവങ്ങളിലെത്തിക്കും.. പോയി പണയിടെക്കെടാ ശപ്പാ.. ഗുരു വീണ്ടും വീണ്ടും ശപിച്ചു.. "നട്ടുച്ച നീചാ നീ കൂപ നീചാ.. ണ്ട..ള്ള.. ത്ത.. പ്പ..ക്ക.. ങ്ങ.. 2 ചീട്ടുകളിയുടെ ലോജിക്ക് അറിയാതെ ശിഷ്യൻ അന്തിച്ചുവപ്പിൽ പൊള്ളി നിൽക്കുമ്പോഴാണ് ഇടിത്തീപ്പോലെ തലക്കീറിനുള്ളിൽ വെളിപാട് പൊ‌ട്ടിയത്. പോക്കറ്റിലെ സ്മാർട്ടൻ ഞെക്കി സംഘത്തെ പൊലീസിന് ഒറ്റി.. ബീക്കൺ ശബ്ദം കേട്ടപ്പോൾ തന്നെ ഞെട്ടിയെണീറ്റ് നെട്ടോട്ടം ഓടി... കളിയിൽ തോറ്റതുമില്ല ഓട്ടത്തിലൊട്ട് ജയിച്ചതുമില്ല.. എങ്കിലും സ്മാർട്ടൻ കാശുപോകാതെ കാത്തെന്ന് ശിഷ്യൻ ഗുരുവിനെ ബോധിപ്പിച്ചു.. ധ്യാനത്തിനിടെ ഒറ്റക്കണ്ണുകൊണ്ട് ശിഷ്യനെ കടാക്ഷിച്ച ഗുരു കാർക്കിച്ചു തുപ്പി... തുപ്പലായിരുന്നു...

'ഒളിത്താവളം

Image
കവിത 'ഒളിത്താവളം' നമുക്ക്, എത്രയെത്ര സന്ദേശങ്ങളും സന്ദേഹങ്ങളുമാണ്. പുരയെക്കുറിച്ച്, പുരയില്ലായ്മയെക്കുറിച്ച്, പുരപ്പുറത്തെ മഴയെക്കുറിച്ച്, വരൾച്ചയെക്കുറിച്ച്, ഉറക്കത്തെക്കുറിച്ച്, ഒരുക്കത്തെക്കുറിച്ച്, കഴിപ്പിനെക്കുറിച്ച്, കഴിപ്പിക്കലിനെക്കുറിച്ച്, വിശപ്പിനെക്കുറിച്ച് വിശപ്പില്ലായ്മയെക്കുറിച്ച് വേണ്ടതിനെക്കുറിച്ച്, വേണ്ടാത്തതിനെക്കുറിച്ച്, കാണുന്നവയെക്കുറിച്ച്, കാണാത്തവയെക്കുറിച്ച്, പുകയെക്കുറിച്ച്, പകയെക്കുറിച്ച്, കൊല്ലുന്നതിനെക്കുറിച്ച് കൊല്ലപ്പെടുന്നതിനെക്കുറിച്ചു് സത്യമേത്, അസത്യമേതെന്ന അന്വേഷണത്തെക്കുറിച്ച്. നീ ആര്? ഞാനാരെന്ന അഹംഭാവത്തെക്കുറിച്ച്, 'മൽപ്പിടുത്തങ്ങൾക്ക് നടുവിൽ ഞെരിഞ്ഞമരുന്ന തലച്ചോറിനെ സമ്മതിക്കണം' സന്ദേശങ്ങളും സന്ദേഹങ്ങളും കൊണ്ട് ശ്വാസം മുട്ടുന്ന - തലച്ചോറിന്റെ , ഏത് കോണിലാണ് "ഇതെന്റെ ഹൃദയമാണ്, എറിഞ്ഞുടയ്ക്കുകയെന്ന്" പതറാതെ പാടുന്ന എന്റെ കവിതയെ നീ ഒളിപ്പിച്ചിരിക്കുന്നത്.. ജോയ് തമലം

ഈ പൂച്ചെണ്ട് സ്വീകരിക്കുക!!!

Image
ഈ പൂച്ചെണ്ട് സ്വീകരിക്കുക!!! . മാസങ്ങളുടെ ഇടവേളയ്ക്ക് ശേഷമാണ് നഗരം കാണുന്നത്. എത്ര തിരക്കാണെങ്കിലും നിരത്തുകളിലും സ്ഥാപനങ്ങളിലും നഗരത്തിന്റ ഒരു ഗരിമ എപ്പോഴും  കാണും. ഇന്ന് അതൊന്നുമില്ല. പ്രിയ നഗരം ശവശൈത്യം പുതച്ച് മിണ്ടാതെ കിടക്കുന്നു. മൃതനഗരം പോലെ.. ട്രാഫിക് ഐലന്റുകളിൽ മഞ്ഞവെളിച്ചം തെളിച്ച് സിഗ്നൽ വിളക്കുകൾ എല്ലാ വാഹനങ്ങൾക്കും കടന്നു പോകാനുള്ള അനുമതി നൽകി.. വാഹനങ്ങളുടെ കൂട്ടത്തിൽ ആംബുലൻസുകളാണ് ഏറെയും... കാറുകളും ഇരുചക്ര വാഹനങ്ങളും തീരെ ഇല്ലാതില്ല. ലോക് ഡൗൺ പാലിക്കുന്നതിന്റെ ഭാഗമായി കടകമ്പോളങ്ങളെല്ലാം അടഞ്ഞു കിടക്കുന്നു. നിരത്തിൽ ചിലയിടങ്ങളിൽ പൊലീസ് കാവലുണ്ട്. കണ്ണിൽ കണ്ടവരൊക്കെയും എല്ലാവരും മാസ്ക് ധരിച്ചിരുന്നു. പക്ഷെ ബ്രേക് ദ ചെയിൻ ക്യാംപയിന്റെ ഭാഗമായി സ്ഥാപിച്ച കിയോസ്കുകളിൽ മിക്കവയും ഉപയോഗ ശൂന്യവും അനാഥവുമായിരുന്നു.. ആശുപത്രിയിലെ കോവിഡ് വാ‌ർഡിൽ നഴ്സുമാരും ഇന്റേണികളും മെഡിക്കൽ വിദ്യാർഥികളും രോഗികളെ പരിചരിക്കാനുള്ള മരണ വെപ്രാളത്തിലും നെട്ടോട്ടത്തിലുമായിരുന്നു.കൗൺസിലർ ഐപി ബിനുവും അവനെ പോലുള്ളവരും നാടെങ്ങും സാഹയവുമായി തുള്ളി വെള്ളം കുടിക്കാതെ പണിയെടുക്കുന്നുണ്ട്.. മാസ്ക് ധരിക്ക...

'അകലത്തെക്കുറിച്ച് അടുപ്പത്തിൽ'

Image
കവിത‌ 'അകലത്തെക്കുറിച്ച് അടുപ്പത്തിൽ' അകലെ അകലെ പനിച്ചെരിയുന്ന കി‌‌ടക്കയിൽ ഹൃദയം കമ്പിളി പുതച്ചു കിടക്കുന്നു. അകലെ അകലെ തനിച്ചെരിയുന്ന ചിതയിൽ സ്വപ്നം തീ പുതച്ചു കിടക്കുന്നു. അകലെ അകലെ കുഴിമാടങ്ങളുടെ അരികിൽ കരുതൽ വിറങ്ങലിച്ചിരിക്കുന്നു. അകലെ അകലെ ഒരിടനാഴിയിൽ‍ ഏകാന്തത തളം കെട്ടിയ ഇരുട്ടിൽ സൂര്യൻ ചരിഞ്ഞ് വീഴുന്നു. അകലെ അകലെ ഒരു വീട്ടിൽ‌ ആരോ ഒരാൾ, അകലെ അകലെ‌ ഒരു മുറിയിൽ‌ ആരോ ‌ ഒരാൾ , അകലെ അകലെ‌ പനിച്ചെരിയുന്ന ഒരു കിടക്കയിൽ‌ എന്റെ ഹൃദയമേ നീയാണ് കമ്പിളി പുതച്ചുകിടക്കുന്നത് ‌ ‌ജോയ് തമലം Remove

'ഒരു പ്രണയ ലേഖനത്തിന്റെ അവസാന ഭാഗം'

Image
മിനിക്കഥ 'ഒരു പ്രണയ ലേഖനത്തിന്റെ അവസാന ഭാഗം' നീ,.......... ................... നീ എനിക്ക് എല്ലാമാണ്, നീ എനിക്ക് കൂട്ടാണ്.. നീ എനിക്ക് ശ്വാസ നിശ്വാസമാണ്.. ഹൃദയ സ്പന്ദനം പോലെ, നിഴലും വെയിലുമാണ് നിലാവും മഴയുമാണ്.. എങ്കിലും ,എന്റെ നീ ഇപ്പോഴും എനിക്ക് അപരിചിതയാണ്. ജോയ് തമലം